JJoMo (FRA)

JoMo (FRA) – Pola

[Teksto de “Pola” ft. JoMo]

[Strofo 1]
Mi pagis kotizon al IJK
Foriris kun amikoj ĝis Kerkrado al la vojaĝ’
Mi estis novulo, kaj mi neniun konis, sed tamen
Kun homoj tie, mi salutis, kisis, brakumis, kaj estis gajaj

Laŭ la programo, mi iris al la rumba kurso
Kaj inter multaj aliaj banaluloj, mi vidis ŝin
Kun ŝiaj blondaj haroj, kaj bluaj okuloj, kaj pinta ĉarma nazo
Ŝi similis al mi diino de beleco

Mi paŝis al ŝi kun timeteco
Sed tute ne gravis
Kaj ŝi estis ridanta kun ŝia amikino
Mi demandis tiam
“De kiu lando vi do venas?”
Kaj kun neforgesebla rideto, ŝi diris

[Rekantaĵo]
Mi estas pola, pola, pola
Mi estas pola, pola, pola
Mi estas pola, pola, pola
Mi estas pola, pola, pola

[Strofo 2]
Poste ni renkontiĝis en diversaj aliaj ejoj
Londono, Parizo, kaj eĉ IS en Germanio
Finfine, dum la paskaj ferioj de la sekva jaro
Mi povis trovi minibuson, kiu veturis al Silezio

Tie mi manĝis terpomojn, ĵjemnjakojn, kartoflojn kaj ankaŭ terpomojn
Ni desegnis aglojn sur la neĝo per niaj korpoj
Ni akvumis unu la alian dum paska lundo
Ni rigardis “Kantantaj fortepianoj” en televido

Mi akompanis ŝin ĝis preĝejo ĉiun tagon
Ni estis gastigitaj ĉe amikoj por kukmanĝegado trifoje tage
Estis ankoraŭ minus 10 gradoj, kaj ĉe mi jam printempis, ĉar

[Rekantaĵo]
Ŝi estas pola, pola, pola
Ŝi estas pola, pola, pola
Ŝi estas pola, pola, pola
Ŝi estas pola, pola, pola

[Strofo 3]
Li pagis kotizon al la kongres’
Sed ankoraŭ restis multe por la vojaĝ’
De Krakovo ĝis Romo, li iris por renkonti siajn amikojn
Kun ili, li salutis, kisis, brakumis kaj estis gajaj
Poste, ili elektis novan ĉefon de la LKK

Kiam malfermiĝis la granda fenestro sur la balkono
Sub ĝi, sur la placo atendis miloj da homoj
Kaj per televido ankoraŭ milionoj da aliaj atendis
Li aperis sur la balkono, kaj kun lia rideto diris

[Rekantaĵo]
Mi estas pola, pola, pola
Mi estas pola, pola, pola
Mi estas pola, pola, pola
Mi estas pola, pola, pola

Mi estas pola, pola, pola
Mi estas pola, pola, pola
Mi estas pola, pola, pola
Mi estas pola, pola, pola

Mi estas pola, pola, pola
Mi estas pola, pola, pola
Mi estas pola, pola, pola
Mi estas pola

🔋 Lyrics powered by Genius。com

Related Articles

Leave a Reply

Your email address will not be published.

Back to top button